அணுகுண்டுக்கும் பிகினி (Bikini) எனும் நீச்சலுடைக்கும் என்ன தொடர்பு என்று யாரிடமும் கேட்டால் மினி சமரொன்று ஏற்படக்கூடும். ஆனால் இவற்றுக்கு தொடர்பிருக்கிறது என்பதே உண்மை.
பிகினி ஆடை அறிமுகமாகி இன்றுடன் 67 ஆண்டுகள் பூர்த்தியாகின்றன. அதாவது பிகினிக்கு இன்று 67 ஆவது பிறந்த தினம் என்பது மற்றொரு சுவாரஷ்யமான தகவல்.
மார்பகப் பகுதியையும் இடுப் புப் பகுதியையும் மறைக்கும் விதமான இரு பகுதிகள் கொண்ட நீச்சல் ஆடைதான் பிகினி எனப்படுகிறது.
கி.மு 1400 ஆண்டளவில் வரையப்பட்ட கிரேக்க ஓவியங்களில் பெண்கள் பிகினி போன்ற ஆடைகளை அணிந்த நிலையில் விளையாட்டுப் போட்டிகளில் ஈடுபடுவது உரோம தேவதையான வீனஸ் பிகினி ஆடை அணிந்த நிலையிலிருக்கும் சிலையொன்றையும் தொல்பொருள் ஆய்வாளர்கள் இத்தாலியில் கண்டுபிடித்துள்ளனர்.
ஆனால், நவீன பிகினிகளின் வரலாறு கடந்த நூற்றாண்டில்தான் ஆரம்பமாகியது. பெண்கள் பகிரங்க இடங்களில் உடல் வெளித்தெரியும் விதமாக குளிப்பதோ நீந்துவதோ மேற்குலகினரால் கூட நீண்டகாலமாக ஏற்றுக் கொள்ளப்படவில்லை.
1907 ஆம் ஆண்டு அவுஸ்திரேலிய நீச்சல் வீராங்கனையான அன்னட் கெல்லர்மேன் அமெரிக்காவின் பொஸ்டன் நகர கடற்கரையில் வன் பீஸ் எனும் நீச்சலுடை அணிந்தமைக்காக கைது செய்யப்பட்டார். தற்போதைய வன் பீஸ் ஆடைகளைவிட உடலை அதிகம் மறைக்கும் விதமான ஆடை அது.
1910 ஆம் ஆண்டளவில்தான் வன் பீஸ் நீச்சலுடை கடற்கரைகளில் அணிவதற்கு பொருத்தமான ஓர் ஆடையாக ஏற்றுக்கொள்ளப்பட்டது. நிலைமை இப்படியிருக்க, இரு சிறிய பாகங்களை மாத்திரம் கொண்ட ரூ பீஸ் எனும் பிகினிகள் அறிமுகமானது இரண்டாம் உலக யுத்தத்தின் பின்னர்தான்.
மேற்கு ஐரோப்பாவில் 1939 ஆண்டின்பின் யுத்தமுற்ற முதலாவது கோடைப் பருவமாக 1946 ஆம் ஆண்டு கோடைப் பருவம் அமைந்தது. மக்களின் “விடுதலை உணர்வை” பெஷன் துறையிலும் பிரதிபலிக்கச் செய் வதற்கு ஆடை வடிவமைப்பாளர்கள் முயற்சித்தனர். அவ்வேளையில் மிகச் சிறிய நீச் சல் ஆடையை தயாரிப்பதில் பிரான்ஸை சேர்ந்த ஜாக்ஸ் ஹெய்ம் என்பவருக்கும் லூயிஸ் ரியர்ட் என்பவருக்கும் போட்டி நிலவியது.
ஜாக்ஸ் ஹெய்ம் தான் தயாரித்த நீச்சலுடை உலகின் மிகச் சிறியது என்பதை வெளிப்படுத்தும் விதமாக அட்டோம் Atom (அணு) என பெயரிட்டார். அவருக்கு போட்டியாக லூயிஸ் ரியர்ட் நீச்சலுடையொன்றை தயாரித்தார். இவர் ஒரு வாகனப் பொறியியலாளர் என்பது குறிப்பிடத்தக்கது.
1946 ஜூலை 5 ஆம் திகதி பாரிஸ் நகரில் நடைபெற்ற பெஷன் கண்காட்சியொன்றில் இந்த ஆடையை காட்சிப்படுத்தினார் லூயிஸ் ரியர்ட்.
பிகினி என ஏன் பெயர் வந்தது?
லூயிஸ் ரியர்ட்டின் நீச்சலுடை அறிமுகத்துக்கு சில நாட்களுக்கு முன்னர் பசுபிக் சமுத்திரத்திலுள்ள பிகினி அட்டோல் எனும் சிறிய தீவில் அமெரிக்கா அணுகுண்டு பரிசோதனையை நடத்தியது. (பின்னர் 1958 ஆம் ஆண்டுவரை 23 அணுகுண்டு சோதனைகள் அத்தீவில் நடத்தப்பட்டன). அவ்வேளையில் பிகினி அட்டோல் எனும் தீவு செய்திகளில் அடிபட்டுக்கொண்டிருந்ததால் பிகினி எனும் பெயரை தான் வடிவமைத்த நீச்சலுடைக்கு சூட்டினார் லூயிஸ் ரியர்ட்.
அதன்பின் பல்வேறு அளவுகளில் வடிவங்களில் பிகினிகள் தயாரிக்கப்பட்டன. 1962 ஆம் ஆண்டுவெளியான டொக்டர் நோ எனும் ஜேம்ஸ்பொன்ட் திரைப்படத்தில் ஊர்சுலா என்ட்ரெஸ் முதல் தடவையாக பிகினி அணித்தமை அக்காலத்தில் பரபரப்பாக பேசப்பட்டது.
தற்போது கடற்கரை கரப்பந்தாட்டம், மெய்வல்லுநர் போட்டிகள், உடற்கட்டுப் போட்டிகள் போன்ற விளையாட்டுக்களின்போதும் பிகினி அணியப்படுகிறது. உடற்கட்டுப் போட்டிகளில் ஆண்கள் அணியும் ஆடையும் பிகினி என அழைக்கப்படுகிறது. 1951 ஆம் ஆண்டு லண்ட னில் நடைபெற்ற முதலாவது உலக அழகுராணி போட்டியின்பின் அழகுராணி போட்டி களில் பிகினிகளுக்கு தடை விதிக்கப்பட்டது. வன் பீஸ் நீச சல் ஆடைகள் அனுமதிக்கப் பட்டன.
1990களில் தான் அழகுராணி போட்டிகளில் பிகினி சுற்று மீண்டும் ஆரம்பமாகியது. எனி னும், இவ்வருடம் இந்தோனே ஷியாவில் நடைபெறவுள்ள உலக அழகுராணி போட்டிக ளில் நீச்சலுடை சுற்று நீக்கப்பட் டுள்ளதாக அறிவிக்கப்பட்டுள் ளமை குறிப்பிடத்தக்கது.