தனியாக பாலைவனத்தில் சிக்கிய நபர் தாகத்தினால் உயிரிழப்பு: சௌதி அரேபியாவில் சம்பவம்

கார் பழுதடைந்ததில் தன்னந் தனியாக பாலைவனத்தில் சிக்கிய நபர் நடந்து வீட்டுக்குச் செல்ல முயற்சிக்கையில் தாகத்தினால் உயிரழந்தாக அந்நாட்டு ஊடகமொன்று தகவல் வெளியிட்டுள்ளது.

சௌதி அரேபியாவைச் சேர்ந்த 30 வயது மதிக்கத்தக்க பெயர் குறிப்பிடப்படாத நபரொருவரே இவ்வாறு உயிரிழந்துள்ளார்.

குறித்த நபர் அல் காசிம் மத்திய மாகாணத்திலிலுள்ள பாலைவனப் பகுதியில் தனது காரினை தனியாக ஓட்டிச்செல்லும் போது வழியில் கார் பலைவன மணலில் சிக்குண்டுள்ளது. மேலும் காரின் பெட்டரியும் செயலிழந்துள்ளது.

இதனையடுத்து நடந்து வீடு செல்ல தீர்மானித்துள்ளார். இதன்போது தாகத்தினால் வழியில் உயிரிழந்துள்ளார் ஏனெனில் இவரது காரிலிருந்து தொலைவிலேயே மீட்கப்பட்டுள்ளதாக தெரிவிக்கப்படுகின்றது.